Ақмола облысы білім басқармасының

жанындағы «Көкшетау қаласы,

Жоғары техникалық колледж» МКҚК

 арнайы пәндер оқытушылары

                                                                        Мустафина Ардак Карымсаковна

                                                                        Кусманова Куаныш Мерекеевна

Қазіргі уақытта орта кәсіптік білім беру саласында болашақ маманды тиісті деңгейде жұмысқа дайындау, оның қоғам дамуының қажеттіліктеріне байланысты дағдыларын қалыптастыру міндеті тұр. Бұл дағдылардың мазмұнына мамандық бойынша білім мен дағдылар, нақты кәсіби дағдылар, сауаттылық пен тәжірибе, кәсіби құзыреттілік жатады.

Біздің колледж заманауи, икемді, инновациялық оқу орны ретінде бірінші кезекте өзінің барлық күш - жігері мен мүмкіндіктерін материалдық-техникалық базаны нығайтуға бағыттайды. Жаңа жабдықтың арқасында заманауи өнеркәсіптік кәсіпорындарға тез бейімделе алатын маман даярлауға болады.

"Ақпараттық кабельдік желілер" біздің өміріміздің барлық салаларында бар және ұялы байланыс желілерін, жергілікті есептеу желілерін (LAN), кабельдік теледидар желілерін, ғаламдық компьютерлік желілерді (WAN), бейнебақылау желілерін және басқа да әлсіз токты желілерді құруда негіз болып табылады.

"Ақпараттық кабельдік желілер" жөніндегі маман сапа стандарттарының талаптарын білуіне, түсінуіне және кәсіби орындау саласындағы үздік тәжірибенің негізінде жатқан нақты дағдыларға сәйкес телекоммуникациялық желілердің барлық дерлік түрлері үшін инфрақұрылым құруға қабілетті.

Телекоммуникацияға қызмет көрсету мамандары көпсалалы болып табылады және халықаралық әрі салалық стандарттарға сәйкес инженерлік желілерді құру бойынша жұмысты орындауға қабілетті. Мұндай мамандар - еліміздегі шағын және орта бизнесті дамытудың драйверлері. Өз ұйымдарын құра отырып, олар күрделі жүйелерді жобалау, монтаждау және қызмет көрсету бойынша жұмыстарды орындайды: мыс және талшықты- оптикалық кабельдер негізінде құрылымдалған кабельдік желілер, өрт дабылын қорғау жүйелері, "ақылды үй", бейнебақылау, IP-телефония, сымсыз қол жеткізу желілері, спутниктік теледидар желілері және т. б.

"Data және Steam technologies" құзыреттілік орталығын ашуға түрткі болған "Жас маман" жобасының шеңберінде біздің колледж материалдық - техникалық базаны нығайту мақсатында жүйелік міндеттерді шешуге арналған жабдықтар сатып алды:

• Байланыс (коммуникациялық) шкафы
• Cisco CISCO2911/K9 маршрутизаторлары
• Cisco WS-C2960-24TT-L коммутаторлары
• Cisco Catalyst Серия 3560 коммутаторлары
•  Cisco Catalyst Серия 3750 коммутаторлары
• Supermicro - intel Xeon Silver 4210R ОЗУ 64Гб сервері
• Intel(R) Core(TM) i5-9400 CPU, ОЗУ 16 Гб, NVIDIA GeForce GTX 1660 жинақталған компьютерлер
• VR Samsung HMD Odyssey.

Орталықты құру педагогтар мен білім алушыларға желілер бойынша кәсіби дағдыларын арттыруға және Wolrdskills чемпионатына қатысуға дайындалуға мүмкіндік береді. Біздің колледж студенттеріміз «Ақпараттық кабельдік желілер» құзыреттілігі бойынша World Skills Kazakhstan республикалық чемпионатында 2021 жылдан бастап белсенді қатысып жүр. 2023 жылы біздің студент Смирнова Эрика World Skills Kazakhstan VIII Республикалық чемпионатында "Ақпараттық кабельдік желілер" құзыретінде "Үздік маман" номинациясын жеңіп алды.