Симанова Шолпан Кадировна, воспитатель, ГККП ДО №24 "Акку", г.Актобе, Республика Казахстан
Ойын арқылы математикалық ұғымдарды қалыптастыру
Ойын арқылы математикалық ұғымдарды қалыптастыру
Мақсаты: Балалардың қарапайым математикалық дағдыларын қалыптастыра отырып, сандар жайлы түсініктерін тереңдету, геометриялық пішіндерді тануға, тура және кері жанылмай санауға ынталандырып, тапсырмалар арқылы ықпал ету, санның реттік таңбасының орнын есте сақтауға үйрету. Баланың логикалық ойлау қабілетін дамыту.Бір-біріне деген достық қарым-қатынасқа, досының қуанышын сезіне білуге, адамгершілікке тәрбиелеу.
Балалар музыка әуенімен кіреді.
Тәрбиеші: Балалар бүгін бізге қонақтар келіпті.
Қонақтармен амандасайық.
Балалар: Мейірімді жүрекпен
Ақ пейілді тілекпен
Амандасып алайық
Бір жадырап қалайық
Тәрбиеші: Бүгінгі оқу қызметіміз сайыс түрінде өтеді.
Тәрбиеші:Сайыскерлерді ортаға шақырайық
Бәйгенің аттарындай шабыстары
Қол соғып көшеметтеп отырайық
Білімнің ұшқыр болсын сайыстары!
«Білімпаздар» сайысына қош келдіңдер.
Тәрбиеші: Шақырып жарыстарға сан-саналы
Білімпаздар тобы бәріне жар салады.
Ту етіп достықпенен татулықты
Сайыстың қазыларын қарсы алады (әділ-қазылар)
Тәрбиеші: Ақыл-көркі бойларыңда жетеді
Әлі талай сыңақтардан өтеді
Мына отырған баршаңызға
Балалар өз топтарын таныстырып өтеді.
«Алғырлар» тобы Капитан: Сәкенқызы Жұлдызай
Біз ақылды баламыз
Айтқан тілді аламыз
Сабақты да жақсы оқып
Мектепке де барамыз
«Тапқырлар» тобы Капитан: Жомартов Нұрислам
Біз әдепті баламыз
Оттай болып жанамыз
Сұрақ қойса ойланып
Дұрыс жауап табамыз
Тәрбиеші: Экранға назар аударайық.Сиқырлы пішіндер. Түрлі-түсті пішіндер цифрларымен. Сол пішіндерде сұрақтар, тапсырмалар. Бірінші топ экранды ашады ,түрлі-түсті пішінді , санымен айтады.
Тәрбиеші: Бірінші сұрақ санамақтарды айтып шығыңдар
«Алғырлар» тобы : 1-ден 5-ке дейін 1-топ
Бір дегенім бір деген
Сабақты түк білмеген
2 – деген бағаны
Еріншектер алады
3- деген дегенім үш деген
Орташаға күш деген
Ал 4-тікті ала алар
Жақсы оқитын балалар
Ең үздік 5 деген
Беске оқимын әсте мен
«Тапқырлар» тобы : 1-ден 10-ға дейін
Бір дегенім-бір таяқ
Екі дегенім-екі аяқ
Үш дегенім-үшкір тіс
Төрт дегенім- төрт бұрыш
Бес дегенім –бес қатар
Алты дегенім-алты атар
Жеті-жердің жемісі
Сегіз-төлдің семізі
Тоғыз деген –төл басы
Он деген он жолдасы
Сан білмеген айтама,
Санамақты қайтала?
Тәрбиеші: Логикалық есептер
1-топ :Дүкеннен анам 2 доп алып келді
Оның біреуін ініме бердім
Менде неше доп қалды?
Үйге келді Мадияр
Оған қоса Алдияр
Кейін келді Айдана
Қанша болды бар бала?
2- топ: Ағашта 5 құс отыр,
Оның 2-уі ұшып кетті
Ағашта қанша құс қалды?
Себетте 2 алма,
Табақта 3 алма
Қосқанда барлығы
Болады неше алма?
Тәрбиеші: 1- топ : Сандардың көршілерін ата
2-топ: Жасырынған сандарды тап
Тәрбиеші: Тура және кері санау
1-топ: тура санау
2-топ: кері санау
Тәрбиеші : Балалар ортаға шығып сергіп алайы
Сергіту сәті: «Санамақ әні»
Тәрбиеші : Сурет бойынша есептер шығару ( экранға назар аударайық )
Қосу , азайту есептер
Тәрбиеші : Үлестірмелі материалдармен жұмыс . Кем, артық, тең.
Тәрбиеші: Ортаға капитан командыларын шақырамыз .
Сендерге сұрақтар қойылады ,жауаптарын тез айтамыз.
- Бағдаршамда неше көз бар?
- Кемпірқосақта неше түс бар?
- Жұлдыздың неше бұрышы бар?
- Бір аптада неше күн бар?
- Қолғапта неше саусақ бар?
- Адамда қанша көз бар?
Тәрбиеші : Ал енді , балалар әділ-қазыларға сөз берейік.
Тәрбиеші: Жарайсыңдар , бүгін өздеріңді білімді, ақылды екенін көрсеттіңдер.
